Sada Ati

Semampai Sayau

Seruran Rindu

Sulu nadai mimpi aku deka ngelengka ke nuan, nadai mimpi mega aku deka beduan nuan. Semina nya aja ke bisi ba genteran ati aku jam kediatu. Terima kasih ke penyayau serta pengerindu ti udah diberi nuan ke aku. Penyayau aku ke nuan lebih ari penyayau aku ke diri empu. Aku enda milih penyigat serta pengaya, asal meh nuan ulih nerima aku enggau ati ti lantang....

 Sulu aku nemu diri orang kedua dalam pengidup nuan, tang kati ko enggau laban aku udah selabuh labuh pengerindu ke nuan. Semua penanggul nya dikira dudi laban ke alah gasak ke pengerindu. Enti ulih anang meh ngasoh ati lebu deka ngempu nuan. Sulu aku arap pengerindu / pengeran nuan enda mudah lela baka gula, anang nn mina nabur danji manis aja.

Sulu ari apus enda meh berasai lebuh tua nanggam pengerindu, pemanah nuan maia tua begulai nadai endor mantah. Aku nerima pengerindu nuan ukai ketegal nuan orang senang tampak rita. Semua nya nadai narit ati ku. Aku pun enda nemu nama kebuah ati aku bangat sayau ke nuan... Aku arap ke nuan jujur alam semua pekara. Pegai meh tali semaia tua enggau teguh. 

Sulu landik amai nuan ngeliutka ati aku. Pia mega nuan landik mai semengat aku sama sekunsi dalam siti mimpi, ngasoh aku lemas ninga jako manis nuan. Percaya meh sulu aku endang meruan sayau ke nuan, makin ari ati aku makin rindu ke nuan. Nangi amai ati aku sulu, irau ke nuan sekelip mata berubah. Pementas enggau pemanah nuan endang ku kenang belama.  Arap ke pengerindu tua semampai ngerembai baka bungai, enda mudah layu ngapa. Enda nemu luya baka gari, enda nemu padam baka api kelita. Nadai utai lebih ari pengerindu aku ke nuan sulu.....

Ketegal telih demalam

Sekali agi aimata aku ngemasah ke kuyu aku.  Sekali agi aku ngasai ke lemik ka ngelaban penguji tu. Oooo petara nama semua tu patut nyadi dalam ruang pengidup aku. Dini endor penimpang aku, nama meh penyalah aku sampai ngemerat tok penguji patut diterima aku..